ரமலான் பிறை 17 "பத்ரு" போர் நடந்த நாள்.

அஸ்ஸலாமு அலைக்கும் வ ரஹ்மத்துல்லாஹி வ பரக்காத்தஹு...!
ரமலான் பிறை 17 இஸ்லாமியர்கள் யாரும் மறக்க முடியாத " பத்ரு" போர் நடந்த நாள்.

313 ஸஹாப்பாக்கள் உயிரை துச்சமாக மதித்து, மார்க்கத்துக்காக போர் செய்த நாள்.

அதில் உயிர் நீத்த 14 தியாகிகளையும், இறைவனே, ஷுஹதாக்கள் எனப்படும் தியாகிகளை பற்றி பல்வேறு வகையில் சிறப்பித்துள்ளான்.

அந்த 14 ஷுஹதாக்களின் பெயர்களும், கீழே தரப்பட்டுள்ளது.

1.அப்துல் முன்கதிர் உடைய மகன் முபஷ்ஷிர் ( ரலியல்லாஹு அன்ஹு )

2.முஅல்லா உடைய மகன் ரபீக்உ ( ரலியல்லாஹு அன்ஹு )

3.ஹாரிஸ் உடைய மகன் யஜீது ( ரலியல்லாஹு அன்ஹு )

4.கய்சமா உடைய மகன் சஃது ( ரலியல்லாஹு அன்ஹு )

5.ஹாரிது உடைய மகன் உபைதா ( ரலியல்லாஹு அன்ஹு)

6.புகைரு உடைய மகன் ஆகில் ( ரலியல்லாஹு அன்ஹு )

7.ஹுமாம் உடைய மகன் உமைர் ( ரலிஅல்லாஹு அன்ஹு )

8.ஹாரிஸ் உடைய மகன் முஅவ்விது ( ரலியல்லாஹு அன்ஹு )

9.அம்து அம்ரு உடைய மகன் திஷ்ஷிலைமான் ( ரலியல்லாஹு அன்ஹு )

10.சாலிஹ் உடைய மகன் மிஹ்ஜா ( ரலியல்லாஹு அன்ஹு )

11.அபூவக்காஸ் உடைய மகன் உமைர் ( ரலியல்லாஹு அன்ஹு )

12.சுராக்கா உடைய மகன் ஹாரிஸா ( ரலியல்லாஹு அன்ஹு )

13.வஹப் உடைய மகன் சஃப்வான் ( ரலியல்லாஹு அன்ஹு )

14. ஹாரித் உடைய மகன் அவ்ஃப் ( ரலியல்லாஹு அன்ஹு )

பொய்க்கும், மெய்க்கும் இடையில் நடந்த முதலில் ஷஹீதானவர்கள்.

போர்களத்தின் பாதை கரடு முரடானது.
சுட்டெரிக்கின்ற வெயில்.
தீக்கங்குகளாக பாறை.
உள்ளங்கால்களில் கொப்புளங்கள்.

நோன்பு விதியாக்கப்பட்ட முதல் ரமலான் மாதம் முழுவதும் நோன்பு நோற்றிருந்தார்கள்.

5 நேர தொழுகை, தராவீஹ் தொழுகை, திக்ரு, பிக்ரு எதுவும் குறையவோ, தவறவோ இல்லை.

கொஞ்சம் பேரிச்சம் பழங்களும், சிலமிடறு தண்ணீரும்தான்
" ஸஹர்" உணவு.

இவர்களுக்கு தனிப்பட்ட மரியாதை, சிறப்பு உண்டு என்பதை,
இறைமறையும்,
நபி (ஸல்லல்லாஹு அலைஹி வ ஸல்லிம் ) அவர்களின் பொன்மொழிகளும் உறுதிபடுத்துகின்றது.

தொழுகை, நோன்பு, ஜக்காத்து, ஹஜ் எப்படி பர்ளாக இருக்கின்றதோ, அதே போல்,
நாயகம் ( ஸல்லல்லாஹு அலைஹி வ ஸல்லிம் ) அவர்கள் மீது பிரியம் வைப்பதும்,
ஸுஹதாக்கள், சஹாபாக்கள்,
மீதும் பிரியம் வைப்பதும் பர்ளாகும்.

வல்ல ரஹ்மான் நம் அனைவருக்கும் ஹிதாயத்தயும்,தௌபீக்கையும் தந்தருள்வானாக.

ஆமீன்..ஆமீன் யா ரப்பில் ஆலமீன்.
யா அர்ஹமர் ராஹிமீன்